"ehh Nyak luh.. muka kusut begitu kaya pakean kagak distrika, udah kulit item legem kaya pantat langseng" sindir bang Miun
"ehh bang, jangan sekate-kate dah... perempuan mane yang udeh bikin abang bekate gitu?" jawab mpo Elly
"ee bujug berabe dah ini urusan... gua pegi aja dah ahh" ucap bang Miun sembari ngeloyor.
Laki mah paling bisa dah kalo ngomong kurang cantiklah, gak wangilah inilah itulah, die kagak tau ape saban pagi perempuan entu pusingnye kaya ape.. pagi-pagi tuh perempuan bingung ngadepin kang sayur, mikir mau masak ape.. duit yang dicekel cuma cukup beli tempe ma sayur asem tapi yaaa masa tiap hari makan begituan.
mikirin jajanan bocah nyang kaga ada berentinye, kerjaan rumeh yang kaga ada habisnye. Laki mahh taunye beres aje, pulang kerja teriak kupi.. rumah berantakan dikit dikira kite males, makan gak ade lauknye marah-marah 'tuhh duit belanje elo kentit kemane?'
'lahhh cobaa itu, die kate ngasihnye berjute-jute ape?."
Jadi perempuan mah kudu banyak siasat, harus pinter-pinter atur duit, pinter-pinter atur waktu, gak usah dah tuh mikirin jajanan, tali BeHa aja putus disambung, orang-orangmah kali beli baru, kita mah kagak dah mending buat jajan anak.
Bersyukur mah udah pasti, cuma terkadang tingkah pola laki bikin jengkel ati.
"ehh abang, baru pulang bangggg?" sapa Elly sedikit merayu
"eehh buseeehhh Nyak luhh, itu bibir ngapah merah begitu, pake lipensetip itu?" tanya Bang Miun
"hetdah bang... boro-boro beli lipensetip, beli garem aje nunggu abis dulu" jawab elly
"lahhh gareeeem, buat apa banyak-banyak... elo mau bikin gua darah tinggi?"
"lahh bukan bang..."
"nahh terus elo pakein apaan itu bibir ampe menor begitu?" tanya bang Miun penasaran
"ini bang.. Aye oles-olesin Cabe bangggg"
"yaaa masha allah" bang Miun tepok jidat
"kenape banggg, cantik kan?"
sf_pojokbetokaw
0 comments:
Post a Comment